Ceann Ealaíona na Gaeilge agus Ceann Litríocht na Gaeilge

A. Sonraí

Post: Ceann Ealaíona na Gaeilge agus Ceann Litríocht na Gaeilge (féach eolas thíos maidir le 2 X róil .5)

Grád: Ardoifigeach Feidhmiúcháin

Coibhéis lánaimseartha: Lánaimseartha - 5 lá sa tseachtain*

Ag tuairisciú do: An Stiúrthóir Ealaíon Cruthaitheach (agus do Stiúrthóirí Ealaíon eile de réir mar is gá i gcomhréir le cláir oibre)

Fad: Buan

Spriocdháta diarratais:12 meán lae Dé Máirt 11 Samhain 2025

B. Forbhreathnú ar an Rannóg agus ar an Ról

Is í an Chomhairle Ealaíon an ghníomhaireacht de chuid Rialtas na hÉireann atá freagrach as tacaíocht a thabhairt do na healaíona in Éirinn agus as iad a chur chun cinn. Oibrímid i gcomhpháirt le healaíontóirí le heagraíochtaí ealaíon le lucht déanta beartas poiblí agus le daoine eile chun áit lárnach a chruthú do na healaíona in Éirinn.

Treoraíonn na rannóga ealaíon sa Chomhairle Ealaíon an eagraíocht maidir lenár straitéis chorparáideach Saothar Ealaíne Iontach a Tháirgeadh a fhorbairt a chur chun feidhme agus a mheasúnú agus tá siad freagrach as maoirseacht a dhéanamh ar na healaíona sna foirmeacha ealaíne reachtúla ar fad a fhorbairt agus tacaíocht a chur ar fáil dóibh.

Is ról nua é Ceann Ealaíona na Gaeilge a chuimsíonn dhá réimse freagrachta faoi leith

• Ceann Litríocht na Gaeilge

• Ceann Ealaíona na Gaeilge - lena n-áirítear forbairt beartais maoiniú agus iarratais ar scéimeanna; agus caidreamh le gníomhaireachtaí agus eagraíochtaí ábhartha a bhíonn ag plé leis na healaíona sa Ghaeilge.

*Is róil pháirtaimseartha iad an dá ról seo (2½ lá in aghaidh na seachtaine) agus féadfar na róil a chur le chéile do dhuine amháin i gcás taithí agus oiriúnacht an iarrthóra a bheith cuí.

Mar mhalairt air sin féadfar dhá ról pháirtaimseartha a líonadh.

Dá bharr sin is féidir le hiarrthóirí cur isteach ar cheann amháin de na róil nó ar an dá cheann le chéile.

C. Príomhfhreagrachtaí

Mar Cheann Litríocht na Gaeilge beidh ort:

• Gach aon chuid de cheapadh beartas tionscnaimh forbartha bainistíocht deontas agus caidrimh na Comhairle Ealaíon a threorú agus a bhainistiú i Litríocht na Gaeilge chun cuspóirí straitéiseacha agus plean corparáideach na Comhairle Ealaíon a chomhlíonadh

• Saineolas agus faisnéis a thabhairt chun beartas agus straitéis a fhorbairt i réimse litríocht na Gaeilge

• Eolas a bheith agat ar chuir chuige agus ar fhorbairtí beartas agus cláreagraithe i litríocht na Gaeilge

• Príomhchaidrimh (mhaoinithe) i réimse litríocht na Gaeilge a bhunú a fhorbairt agus a bhainistiú

• Réasúnaíocht agus moltaí maidir le maoiniú a sholáthar

• Straitéis buiséid a fhorbairt le haghaidh do réimse ealaíon

• Buiséad do réimse a bhainistiú

• Tionscnaimh/cláir a fhorbairt agus a fhorfheidhmiú a thacóidh le forbairt réimse na n-ealaíon. Seirbhísí comhairleacha don Chomhairle Ealaíon i réimse litríocht na Gaeilge a bhainistiú

• Cuir chuige a fhorbairt i gcomhar le Ceann na Litríochta i leith tacú le heagraíochtaí litríochta lena gcuid oibre le litríocht na Gaeilge

• Caidrimh na Comhairle Ealaíon le gníomhaireachtaí Gaeilge (e.g. Foras na Gaeilge Ealaín na Gaeltachta) a bhainistiú ó thaobh na straitéise agus an mhaoinithe de

• Seirbhísí comhairleacha maidir le litríocht na Gaeilge a sholáthar agus a bhainistiú go fadtéarmach

Mar Cheann Ealaíona na Gaeilge beidh ort:

• Saineolas agus faisnéis a thabhairt chun beartas agus straitéis a fhorbairt agus le haghaidh ealaíona na Gaeilge

• Comhairle a chur ar an gComhairle Ealaíon maidir lena beartais agus straitéisí i dtaobh ealaíona na Gaeilge agus iarrthóirí Gaeilge.

• Straitéis a fhorbairt i gcomhairle leis an earnáil agus le ranna agus gníomhaireachtaí eile rialtais chun caidrimh na Comhairle Ealaíon leis an nGaeilge a bhainistiú agus a fhorbairt.

• Caidrimh na Comhairle Ealaíon le heagraíochtaí agus gníomhaireachtaí Gaeilge a bhainistiú agus a fhorbairt ó thaobh na straitéise agus an mhaoinithe de. Aireofar leis sin freagracht as caidreamh na Comhairle Ealaíon le hEalaín na Gaeltachta.

• Páirt ghníomhach a ghlacadh i dtacú le tionscnaimh Ghaeilge i ngach foirm ealaíne.

• Maoirseacht a dhéanamh ar iarratais i nGaeilge agus córais a chur i bhfeidhm le nós imeachta cothrom a chinntiú diarratais den chineál sin i gcomhairle le cinn foirmeacha ealaíne agus le hiarrthóirí Gaeilge atá ann cheana féin agus iarrthóirí Gaeilge féideartha

• Dul i gcomhairle le comhghleacaithe i ngach ceann de na foirmeacha ealaíne maidir le ceisteanna teanga agus a chinntiú go gcomhtháthaítear ceisteanna den chineál sin in obair na Comhairle Ealaíon gan stró.

Mar Bhainisteoir:-

• Luachanna fís agus misean na Comhairle Ealaíon a spreagadh

• Rannchuidiú go gníomhach chun cuspóirí straitéiseacha na Comhairle Ealaíon agus an straitéis Saothar Ealaíne Iontach a Tháirgeadh a chur i gcrích

• Bainistiú a dhéanamh ar shruthanna oibre iomadúla agus cúraimí a roinnt go héifeachtach

• Caidreamh láidir oibre a chothú ar fud na heagraíochta

• Iarracht a dhéanamh bealaí a fhorbairt agus a chur i bhfeidhm chun oibriú go héifeachtach chun cuspóirí a chomhlíonadh

• A bheith solúbtha agus toilteanach chun oiriúnaithe agus rannchuidiú go dearfach le cur i bhfeidhm an athraithe

• A bheith freagrach agus cuntasach as cuspóirí comhaontaithe a chomhlíonadh

• Foirne tionscadail a stiúradh le dea-shampla daoine aonair a chur faoi oiliúint agus tacú leo de réir mar is gá

• Deiseanna uasoiliúna agus traenála ar an láthair oibre a aithint agus a chur ar fáil de réir mar is cuí

• Cuspóirí soiléire agus éifeachtacha a leagan síos don fhoireann de réir spriocanna agus straitéis iomlán na Comhairle Ealaíon

• Bainistiú rathúil a dhéanamh ar réimse tograí difriúla agus gníomhaíochtaí oibre ag an am céanna

• Obair a tharmligean go héifeachtach faisnéis agus fianaise shoiléir a sholáthar maidir leis an méid atá ag teastáil

• Fócas láidir ar fheidhmíocht ard agus ar sheachadadh seirbhíse a léiriú agus a chur chun cinn

• Rannchuidiú le cinnteoireacht straitéiseach nuair is gá

• Caidrimh inmheánacha agus sheachtracha a chruthú agus a chothú

• Cinntí soiléire tráthúla a dhéanamh maidir le saincheisteanna tábhachtacha de réir mar is gá.

Tabhair faoi deara: Tá róil agus freagrachtaí na Comhairle Ealaíon faoi réir athruithe de réir ceanglais agus forbairtí eagraíochtúla atá ar bun anois agus cinn amach anseo. Dualgais ábhartha eile is oiriúnach don ghrád a dfhéadfaí a shannadh ó am go chéile.

D. Scileanna Eolas agus Taithí

• Líofacht sa Ghaeilge idir labhartha agus scríofa

• Taithí shuntasach oibre in earnáil na n-ealaíon

• Eolas fíormhaith agus cothrom le dáta ar na healaíona Gaeilge ar litríocht agus amharclannaíocht na Gaeilge go háirithe

• Sárscileanna cumarsáide idir scríofa agus idirphearsanta an cumas cásanna ina bhfuil gá le scileanna taidhleoireachta agus tuisceana a láimhseáil san áireamh;

• Taithí ar bhainistíocht imeachtaí agus ar ardchaighdeáin cúraim do chustaiméirí a sholáthar;

• Sárscileanna TFC lena n-áirítear Word Excel Outlook agus Bogearraí Bainistíochta Boird;

• Duine atá in ann oibriú go maith le foireann atá féinspreagtha agus atá in ann a ualach oibre féin a bhainistiú.

• Tiomantas dardchaighdeáin seirbhíse poiblí.

E. Cáilíochtaí:

• Beidh 3 bliana ar a laghad ag an iarrthóir rathúil bunchéim go hidéalach agus bfhearr go mbeadh cáilíocht iarchéime nó ghairmiúil aige/aici i réimse ábhartha.