Cynhyrchydd Cynnwys (EXTEND)

MANYLION Y SWYDD

BAND Y SWYDD: C

MATH O GONTRACT: Parhaol rhan amser (24 awr yr wythnos)

ADRAN: BBC Addysg Cymru

LLEOLIAD: Caerdydd Sgwar Canolog

YSTOD CYFLOG: 30000- 39000yn ddibynnol ar sgiliau gwybodaeth a phrofiad perthnasol. Maer amrediad cyflog disgwyliedig ar gyfer y swydd hon yn adlewyrchu meincnodi mewnol a gwybodaeth am y farchnad allanol.

Maer gallu i siarad Cymraeg yn hanfodol am y swydd hon.

Rydym nin fodlon trafod gweithion hyblyg. Os hoffech chi wneud hynny gofynnir yn garedig i chi nodi eich dymuniadau yn y cais ond does dim rhaid i chi wneud hynny nawr. Bydd gweithion hyblyg yn rhan or drafodaeth pan gynigir y swydd.

BBC EXTEND

Maer swydd hon yn cael ei hysbysebu fel rhan o raglen BBC Extend ar gyfer pobl anabl. I wneud cais ar gyfer y swydd hon dylech chi nodi eich bod yn fyddar yn anabl neun niwrowahanol ac maen rhaid i chi fodloni naill ai y diffiniad o anabledd yn Neddf Cydraddoldeb (2010) neur diffiniad o anabledd yn Neddf Gwahaniaethu ar Sail Anabledd (1995) os ydych chin gwneud cais yng Ngogledd Iwerddon. Cewch eich diffinion fras fel unigolyn anabl o dan y ddwy ddeddf os oes gennych chi nam corfforol neu feddyliol syn cael effaith negyddol ac andwyol hirdymor a sylweddol ar eich gallu i gyflawni gweithgareddau dyddiol arferol. Maer diffiniad hwn yn cynnwys cyflyrau ac amhariadau amlwg a heb fod yn rhai amlwg a chyflyrau meddygol fel Canser HIV neu Sglerosis Ymledol.

Rydym ni wedi ymrwymo i wneud y broses o wneud cais am y swydd hon mor hygyrch â phosibl. Os oes angen i chi drafod addasiadau neu ofynion mynediad ar gyfer y broses ymgeisio neu os oes gennych chi unrhyw gwestiynau am ein rhaglen Extend cysylltwch â .

Maer BBC wedi ymrwymon llwyr i ddarparu addasiadau ir gweithle i helpu i gael gwared ar rwystrau yn y gweithle syn wynebu pobl anabl. I wneud hyn mae gennym ein Gwasanaeth Mynediad ac Anabledd pwrpasol ein hunain ar gyfer y BBC syn darparu asesiadau a chymorth drwy gydol eich cyflogaeth gyda ni. Os byddwch chin llwyddo yn eich cais am y swydd hon a bod angen addasiadau yn y gweithle arnoch chi byddwn yn gweithio gyda chi i roi eich addasiadau ar waith.

Os hoffech chi gael rhagor o wybodaeth am BBC Extend ewch i dudalen we BBC Extend. (EXTEND code: EX2324).

PWRPAS Y SWYDD

Ydych chin frwdfrydig creadigol ac eisiau ysbrydoli meddyliau ifanc Dewch i ymuno ag Adran Addysg BBC Cymru! Byddwch yn arwain ar greu cynnwys arloesol a dwyieithog ar gyfer pobl ifanc 316 oed cynnwys syn ysgogi a thanio chwilfrydedd ac yn trawsnewid bywydau drwy addysg. Or syniad cyntaf ir lansiad byddwch yn rhan ganolog or Adran. Os oes egni gweledigaeth ac angerdd am gynnwys digidol-addysgol dymar rol i chi.

PAM YMUNO ÂR TÎM
Byddwch yn ran or Adran Addysg yn gweithio ochr yn ochr â thimau golygyddol a thechnegol i helpu i gyfleu cynnwys newydd or radd flaenaf.

Nod BBC Addysg yw trawsnewid bywydau drwy addysg.

Yn ystod cyfnodau clo ysgolion darparodd yr Adran y gwasanaeth addysgol fwyaf erioed yn hanes y BBC a daeth cynulleidfaoedd anferth na welwyd or blaen in cynnwys addysg. Rydym yn parhau gydar llwyddiant yma gyda chynnwys newydd ar gyfer ein cynulleidfaoedd.

Ein nodau yw:

• rhoi profiad dysgu personol i bob plentyn yn y DU drwy BBC Bitesize syn denu dros 2 filiwn o ddefnyddwyr yr wythnos.
• cefnogi ac ysbrydoli dysgu yn yr ystafell ddosbarth drwy lunio rhaglenni or radd flaenaf syn gysylltiedig âr cwricwlwm drwy gynnwys athrawon ar BBC Bitesize
• mynd ir afael â diffygion addysgol a chymdeithasol ledled y DU drwy ymgyrchoedd addysgol.

EICH PRIF GYFRIFOLDEBAU ACH DYLANWAD

• Datblygu a chynhyrchu cynnwys addysgol creadigol or safon uchaf yn y Gymraeg ar Saesneg.
• Cynllunio rheoli a chyflwyno prosiectau cynnwys ar amser ac o fewn y gyllideb.
• Defnyddio ymchwil data a dealltwriaeth or gynulleidfa i greu cynnwys syn ysbrydoli ac yn gwneud gwahaniaeth.
• Cydweithio â chydweithwyr partneriaid ar sector annibynnol i greu cynnwys ffilm animeiddwaith testun ac infograffeg.
• Gweithio gydag arbenigwyr addysgol athrawon ac ysgolion i sicrhau bod ein cynnwys yn bodloni anghenion addysgol ein cynulleidfaoedd.

MEINI PRAWF HANFODOL:

• Profiad cadarn o gynllunio a chreu cynnwys addysgol rhagorol gyda brwdfrydedd am gyfoethogi profiadau dysgu pobl ifanc.
• Sgiliau golygyddol cryf ar gallu i gydweithion effeithiol gyda thimau technegol a dylunio i ddarparu cynnwys dwyieithog o safon uchel.
• Llwyddiant wrth dyfu a denu cynulleidfaoedd ar gyfer cynnwys newydd gan gynnwys profiad o ddefnyddio platfformau cyfryngau cymdeithasol.
• Gwybodaeth dda am y Cwricwlwm cyfathrebu a rheoli rhagorol.
• Sgiliau rheoli prosiect cryf gan gynnwys gwneud penderfyniadau golygyddol a defnyddio dulliau rheoli prosiectau digidol.
• Y gallu ar profiad o ddadansoddi ymchwil a data in helpu i arloesi a datblygu cynnwys addysgol yn enwedig ar gyfer cynulleidfaoedd ifanc.
• Gallu gweithio o fewn canllawiau golygyddol priodol ar gyfer gwahanol oedrannau a gwahanol fathau o gynnwys.
• Rhuglder yn y Gymraeg yn arbennig ar gyfer cynhyrchu a golygu cynnwys.
• Parodrwydd i gael gwiriad DBS.

DYMUNOL OND DDIM YN OFYNNOL

• Cyfarwyddiaeth â llwyfannau cyhoeddi digidol a systemau rheoli cynnwys.
• Gwybodaeth am safonau hygyrchedd ac arferion gorau ar gyfer cynnwys addysgol-ddigidol.
• Profiad o weithion uniongyrchol gyda ysgolion athrawon neu arbenigwyr addysg wrth gynllunio adnoddau.
• Gallu i arloesi ac addasun gyson mewn byd digidol.
• Dealltwriaeth o reolau hawlfraint trwyddedu a chydymffurfiaeth golygyddol o fewn byd cynhyrchu cynnwys.

Os oes gennych chi rai or sgiliau ar profiadau hyn ynghyd â chryfderau trosglwyddadwy byddem yn falch o glywed gennych chi ac rydym yn eich annog i wneud cais.